სოციალური პროექტი ,, დავიცვათ და არ დავუკარგოთ ამაგი ჩვენს ოთხფეხა მეგობარს - ძაღლს".

სახელწოდება:	,, დავიცვათ და არ დავუკარგოთ ამაგი ჩვენს ოთხფეხა მეგობარს  - ძაღლს      “
კლასი:	3
რაოდენობა:	8
ვადები:	24.05.2019 – 14.06.2019
პროექტის აქტუალურობა:	ყოველწლიურად ძალიან ბევრ შინაურ ცხოველს, უფრო მეტად ძაღლს, პატრონები გარეთ, ქუჩაში აგდებენ. შესაძლოა  ცხოველი დაინფიცირდეს ცოფით ან სხვა საშიში დაავადებით;     ამავე დროს ადამიანების მხრიდან ცხოველებზე სასტიკი ქმედებები ხორციელდება და ხშირია ასეთი შემთხვევები...
პროექტის მიზნები:	საზოგადოების  ცნობიერების ამაღლება ცხოველების ( ძაღლების )  მიმართ კეთილგანწყობის  მიზნით;   ცხოველებისადმი ჰუმანური მოპყრობით  მზრუნველობითი დამოკიდებულების ჩამოყალიბება;   დაკვირვების, აღწერის, კომუნიკაციის, თვითშეფასების, ანალიზის, პრეზენტაციის უნარის განვითარება.
მოსალოდნელი  შედეგები:	მოსწავლეების , საზოგადოების ცნობიერების ამაღლებით გაუმჯობესდება ცხოველების მდგომარეობა;  მოსწავლეებს ჩამოუყალიბდებათ ჰუმანური დამოკიდებულება ცოცხალი არსებების მიმართ;  განუვითარდებათ დაკვირვების, აღწერის,  კომუნიკაციის, თვითშეფასების, ანალიზის, პრეზენტაციის უნარი.   მიმართულება: ცოცხალი სამყარო   ბუნ. დაწყ.(1) 2. მოსწავლე  შეძლებს:   ორგანიზმების(მცენარეებისა და ცხოველების) აღწერა და დახასიათება ძირითადი ნიშან-თვისების  მიხედვით;    ორგანიზმების დაჯგუფება, ჯგუფების დახასიათება და შედარება, მათი ტიპური წარმომადგენლების აგებულების, ცხოველქმედებისა და სასიცოცხლო ციკლის თავისებურებებზე მსჯელობა:   ორგანიზმების სასიცოცხლო მოთხოვნილებებისა და მათზე გარემო ფაქტორების  ზემოქმედების  შესახებ მსჯელობა.
სასწავლო რესურსები:	რვეულები, კალამი, ფერადი ფანქრები, თაბახის ფურცლები, ფორმატის ქაღალდები,  ფოტოაპარატი, ინტერნეტი; წიგნები: ქართული საბავშვო ლიტერატურის ქრესტომათია-ტომი 2; ქართული ენა და ლიტერატურა__ მე-3 კლასი__პირველი ნაწილი.  შინაური ცხოველი___ძაღლი;  ადამიანური რესურსები: ვეტერინარი ,მასწავლებლები.
პროექტის აღწერა:	აქტივობა 1: მოსწავლეებთან ერთად პროექტის მნიშვნელობის განსაზღვრა, სათაურის შერჩევა, მიზნების დასახვა და დავალებების განაწილება ჯგუფებს შორის:   ა)  I  ჯგუფის დავალება:  ძაღლის მოშინაურების შესახებ  ნაწარმოებების__ ნ. ნაკაშიძის  ,,ვინ აირჩია ძაღლმა“,  ხალხური ზღაპრის ,,ძაღლი“-ს  წაკითხვა და განხილვა ჯგუფებში.   ბ)  საკუთარ ძაღლებზე დაკვირვება: სურათების, ვიდეოს გადაღება;  საუბარი მათ შესახებ: რა ჯიშია,  რა ფერია; რა როლს ასრულებენ ისინი ჩვენს ცხოვრებაში, როგორ ვექცევით, რა მოვალეობა გვაკისრია ჩვენ.  გ) ინფორმაციის მოძიება  10 ყველაზე  ერთგული  ძაღლის შესახებ;   დ) საყვარელი ცხოველის (ძაღლის) ილუსტრაციის შექმნა  .   II  ჯგუფის დავალება:  ა)  ინფორმაციის მოძიება ძაღლების ,,პროფესიების“ შესახებ;  თემასთნ დაკავშირებული მოთხრობების__ ი.გოგებაშვილის  ,, ჭკვიანი ძაღლები“, ,,ჭკვიანი ბასარა“-ს განხილვა ჯგუფებში.   ბ) ცნობილი ძაღლების შესახებ ინფორმაციის მოძიება: „ბალტო“, ,,ჰაჩიკო“, ,,ბარი“... გ)  ,,ქართული ნაგაზი“ __რა ვიცით მის შესახებ;  დ) საყვარელი ცხოველის- ძაღლის ილუსტრაციის შექმნა.   აქტივობა 2: ქართული ფილმის__,,ლომა,  დავიწყებული მეგობარი“ ყურება და განხილვა ჯგუფებში.    აქტივობა 3: ინტერვიუ ვეტერინართან:  კლასში ვეტერინარის მოწვევა და გასაუბრება , რჩევების მიღება  ძაღლებთან ურთიერთობის, მათი მოვლის, მაწანწალა ძაღლებთან უსაფრთხოების წესების დაცვის შესახებ, ასევე ცხოველთა დაცვის ორგანიზაციების, ცხოველთა თავშესაფრების  არსებობის შესახებ. აქტივობა 4:   მსჯელობა ჯგუფებში:  პრობლემის მოგვარების მიზნით სლოგანების  მოფიქრება, პლაკატების შექმნა და გაკვრა სოფლის სხვადასხვა ადგილებში, სადაც  ბევრი ძაღლი იყრის თავს. აქტივობა 5:  პროექტის შეჯამება: ü  მოთხრობების მოკლე შინაარსის გადმოცემა; ü  გადაღებული ფოტოების, ვიდეოს ჩვენება, საუბარი საკუთარი ძაღლების შესახებ; ü  10 ყველაზე ერთგული ძაღლის შესახებ საუბარი. ü  ძაღლების ,,პროფესიების“ შესახებ საუბარი; ü  ცნობილი ძაღლების შესახებ საუბარი; ü  ,,ქართული ნაგაზი“- რა ვიცით მის შესახებ; ü  ,,ლომა- დავიწყებული მეგობარი“-ს ყურებით შექმნილი შთაბეჭდილებების გაზიარება. ü  საქართველოში არსებული ცხოველთა დაცვის ორგანიზაციებისა და ცხოველთა თავშესაფრების არსებობის შესახებ ინფორმაციების მოწოდება; . ü  ილუსტრაციებისა და პლაკატების წარმოდგენა. აქტივობა 6.  თვითშეფასების სქემების შევსება და პროექტის შეფასება.

პროექტის შეფასების რუბრიკა

კრიტერიუმები	კარგი	საშუალო	ცუდი
ზეპირი პრეზენტაცია	ნათლად და გასაგებად გადმოსცემს სათქმელს. ამყარებს კონტაქტს აუდიტორიასთან.	გადმოსცემს სათქმელს, ნაკლებად ამყარებს კონტაქტს აუდიტორიასთან.	ნაკლებად ახერხებს სათქმელის სათანადოდ წარმოჩენას.
პასუხობს დასმულ კითხვებზე	ყოველთვის სწორად პასუხობს შეკითხვებზე; ასაბუთებს საკუთარ მოსაზრებას; აქვს საინტერესო იდეები; ყოველთვის ახერხებს მიღებული ცოდნის დაკავშირებას კონკრეტულ საკითხებთან.	სწორად პასუხობს შეკითხვებზე, მაგრამ ვერ ასაბუთებს საკუთარ მოსაზრებას; ზოგჯერ ახერხებს მიღებული ცოდნის დაკავშირებას კონკრეტულ საკითხებთან.	ნაკლებად პასუხობს შეკითხვებზე; იშვიათად ახერხებს მიღებული ცოდნის დაკავშირებას კონკრეტულ საკითხებთან.
ჯგუფის წევრებთან თანამშრომლობა	ყოველთვის თანამშრომლობს ჯგუფებთან მუშაობის დროს; გამოხატავს პატივისცემას განსხვავებული აზრის მიმართ; მეგობრულია და კომუნიკაბელური.	თანამშრომლობს ჯგუფებთან მუშაობის დროს; გამოხატავს პატივისცემას განსხვავებული აზრის მიმართ; არის მეგობრული.	ნაკლებად თანამშრომლობს ჯგუფებთან მუშაობის დროს; იშვიათად გამოხატავს პატივისცემას განსხვავებული აზრის მიმართ.

                                                      პროექტის რეფლექსია

პროექტის სახელწოდება: დავიცვათ და არ დავუკარგოთ ამაგი ჩვენს ოთხფეხა მეგობარს __ ძაღლს.

     პროექტის მიზანია საზოგადოების ცნობიერების ამაღლება ცხოველთა მდგომარეობის გაუმჯობესების მიზნით; ცხოველებისადმი, ზოგადად, ცოცხალი არსსებებისადმი ჰუმანური დამოკიდებულების ჩამოყალიბება მოსწავლეებში, ასევე დაკვირვების, აღწერის,კომუნიკაციის, ანალიზის, მსჯელობის, პრეზენტაციის უნარის განვითარება.

   მოსწავლეებთან ერთად განვსაზღვრეთ პროექტის მნიშვნელობა ზოგადად არსებული პრობლემიდან გამომდინარე. კლასი დაიყო ორ ჯგუფად და თითოეულ ჯგუფს  მიეცა  ოთხი დავალება. მოსწავლეები ინტერესით ჩაერთვნენ დავალებების მომზადებაში:

     I ჯგუფმა ინტერესით წაიკითხა ნ. ნაკაშიძის მოთხრობა ,, ვინ აირჩია ძაღლმა“ , ხალხური  ზღაპარი ,,ძაღლი“ და გააცნო II  ჯგუფს.

  II ჯგუფმაც ინტერესით წაიკითხა ი. გოგებაშვილის მოთხრობები: ,,ჭკვიანი ძაღლები“ და  ,, ჭკვიანი ბასარა“. ეს მოთხრობები დააკავშირეს თავიანთ დავალებასთან: ძაღლების  ,,პროფესიები“.

   საინტრესო და სახალისო იყო I ჯგუფის ბავშვებისთვის II დავალება,როცა მათ სურათები და ვიდეო გადაუღეს თავიანთ ძაღლებს, შემდეგ კი მოუთხრეს ჯგუფებს მათ შესახებ: აღწერეს როგორები არიან,  რა ფერის, რა  ჯიშის,როგორ ექცევიან თვითონ და ა.შ.

  ასევე მოიძიეს ინფორმაცია 10  ყველაზე ერთგული ძაღლის შესახებ, შექმნეს საყვარელი ძაღლების ილუსტრაციები საკუთარი სურვილის მიხედვით.

  II  ჯგუფისთვისაც საინტერესო იყო ცნობილი ძაღლების__,, ჰაჩიკოს“,  ,,ბარის“ ,,ბალტოს“ შესახებ ინფორმაციის მოძიება და გაცნობა მეორე ჯგუფისთვის.

  ბავშვების დიდი ინტერესი და სიყვარული დაიმსახურა ქართულმა ნაგაზმა, მისმა თვისებებმა.  ძალიან ემოციური და საინტერესო იყო ბავშვებისთვის ქართული ფილმის__ ,,ლომა__ დავიწყებული მეგობარი“_ს ყურება.ბავშვებმა დაინახეს რა უარყოფით ცვლილებებს და შედეგებს იწვევს საარსებო გარემოს შეცვლა ცხოველებში, რა სასტიკად ექცევა ზოგიერთი ადამიანი ცხოველს.

 ბავშვები გააკვირვა ლომას ერთგულებამ და პატრონისადმი სიყვარულმა. ამით მათ დაინახეს ზოგადად ძაღლის ერთგულება.

ბევრი საინტერესო კითხვა დაუსვეს ბავშვებმამოწვეულ ვეტერინარს ძაღლის მოვლის, დაავადებების, მაწანწალა ძაღლებთან უსაფრთხოების წესების დაცვასთან დაკავშირებით,ასევე საქართველოში არსებული ცხოველთა დაცვის ორგანიზაციებისა და ძაღლთა თავშესაფრების არსებობის შესახებ,  დაინტერესდნენ რა კანონები არსებობს ცხოველებზე სასტიკად მოპყრობის შემთხვევაში. ვეტერინარისგან მათ მიიღეს საინტერესო  და საჭირო პასუხები.

  დასკვნით ეტაპზე მნიშვნელოვანი და საინტერესო იყო მსჯელობა ჯგუფებში პრობლემის მოგვარების მიზნით: სლოგანების მოფიქრება და პლაკატების შექმნა. თითოეული მოსწავლე აქტიურად იყო ჩართული ამ პროცესში, რაც კარგად ჩნდა მონიტორინგის დროს.

პრეზენტაციაც მრავალფეროვანი და საინტერესო იყო. ორივე ჯგუფმაკარგად წარმოაჩინა თავისი ნამუშევარი.

  შემიძლია ვთქვა, რომ ამ პროექტით მოსწავლეებმა შეძლეს ჩემს მიერ დაგეგმილი მიზნების რეალიზება. ისინი დიდი მონდომებითა და ინტერესით იყვნენ ჩართულები მუშაობის პროცესში, რაც აშკარად ჩანდა მონიტორინგის დროს. ბავშვებს გაუჩნდათ  ცხოველებისადმი უფრო მეტი სიყვარული,  რამაც შესაძლოა მომავალში  მათი პროფესიის არჩევისას გადამწყვეტი როლი ითამაშოს და ზოგიერთი მათგანი ვეტერინარი ან  შესაძლოა კინოლოგიც კი გახდეს; ისწავლეს ცხოველების მოვლა, მათთან სათანადოდ მოქცევის წესები.

 მოსწავლეებს აქვთ სურვილი მომავალშიც გაკეთდეს მსგავსი პროექტები, რაც აუცილებლად განხორციელდება და გავითვალისწინებ მათ სურვილებსა და შესაძლებლობებს.

 პროექტის განხორციელების პროცესში აქტივობების მოდიფიცირება ან დამატება არ დამჭირვებია.

სოციალური პროექტი ,,წიგნი ვის ეკუთვნის ?"

სოციალური პროექტი ,,წიგნი ვის ეკუთვნის?“

პროექტის სახელწოდება:	,,წიგნი ვის ეკუთვნის?“
კლასი	3
რაოდენობა	8
ვადები	10.12.2018 _24.12.2018
პროექტის  აქტუალურობა:	საერთაშორისო კვლევის ,,PIRLS“ის შედეგების მიხედვით საქართველოში წიგნიერების დონე საშუალოზე დაბალია, რაც საგანგაშოა და წარმოადგენს როგორც მშობლების, ისე პედაგოგების პრობლემას. საჭიროდ ჩავთვალე განვახორციელო პროექტი სახელწოდებით ,,წიგნი ვის ეკუთვნის?“ პროექტი მოსწავლეებს გაუღვივებს წიგნის კითხვის ინტერესს და ხელს შეუწყობს წიგნიერების დონის ამაღლებას.
პროექტის მიზნები:	წიგნის კითხვის ინტერესის გაღვივება; კითხვის მოტივაციის ამაღლება მოსწავლეებში ; კითხვა -როგორც სასიამოვნო პროცესი; ანალიზის, მსჯელობისა და შემოქმედებითი უნარების განვითარება; მხატვრული ლიტერატურის კითხვის შეყვარება.
მოსალოდნელი შედეგები:	·         წიგნიერების დონის ამაღლება; ·         ლექსიკური მარაგის გამდიდრება; ·         წიგნის კითხვის სასიამოვნო პროცესად გადაქცევა; ·         ჩამოუყალიბდებათ მეტყველების კულტურა და  პრეზენტაციის უნარ-ჩვევები. ·         ქართ.დაწყ.(I).6 მოსწავლემ უნდა შეძლოს გაბმული კითხვა. ·         ქართ.დაწყ.(I).7 მოსწავლემ უნდა შეძლოს სტანდარტით განსაზღვრული სხვადასხვა ტიპის ტექსტების წაკითხვა და გაგება-გააზრება; ტექსტში ვერბალური და არავერბალური ფორმით მიწოდებული ინფორმაციის(მაგ, ილუსტრაციისა და ტექსტის ) ურთიერთდაკავშირება. ·         ქართ.დაწყ.(I)8. მოსწავლემ უნდა შეძლოს მცირე ზომის მხატვრული ტექსტების ინტერპრეტირება ვერბალური და არავერბალური გზით; ვერბალური ინფორმაციის ვიზუალურად გარდაქმნა  და/ან პირიქით. ·         ქართ.დაწყ.(I).9.მოსწავლემ უნდა შეძლოს წაკითხული ტექსტის მიმართ პირადი დამოკიდებულების გამოხატვა და ახსნა; ტექსტის თემის და/ან მასში განხილული კონკრეტული საკითხების შეფასება. ·         ქართ.დაწყ.(I).2. მოსწავლემ უნდა შეძლოს სტანდარტით განსაზღვრული სხვადასხვა ტიპის ტექსტების მოსმენა,გაგება-გააზრება და გადმოცემა. ·         ქართ.დაწყ.(I)13 სტანდარტით განსაზღვრული სხვადასხვა ტიპის მცირე ზომის მარტივი ტექსტების შექმნა ნაცნობ თემატიკაზე
სასწავლო რესურსები:	რვეული,კალამი,ფერადი ფანქრები, თაბახის ფურცლები,ფოტოაპარატი; წიგნები:ქართული საბავშვო ლიტერატურის ქრესტომათია_ტომი I, ტომი II ; ქართული ენა და ლიტერატურა _ მე_3 კლასი; ადამიანური რესურსები: ბიბლიოთეკარები, მასწავლებლები.
პროექტის აღწერა:	აქტივობა 1: პროექტის მიზნის გაცნობა და დავალებების განაწილება ჯგუფებს შორის. აქტივობა 2:  I  ჯგუფის ვიზიტი სკოლის ბიბლიოთეკაში.ბიბლიოთკარისგან ინფორმაციის მიღება: ü  ა)ბიბლიოთეკაში არსებული წიგნების სახეობებისა და რაოდენობის შესახებ; ü  ბ)ბიბლიოთეკის სახეობების შესახებ; ü  გ) საბავშვო მწერლის ან პოეტის ცხოვრების შესახებ. ü    II ჯგუფის ვიზიტი სოფლის ბიბლიოთეკაში და გასაუბრება ბიბლიოთეკართან: ü  ა)რა სახის წიგნები არსებობს ბიბლიოთეკაში და როგორაა განლაგებული? ü  ბ)რამდენი წიგნია? ü  გ)როგორ ხდება წიგნების გამოწერა? აქტივობა 3: ბიბლიოთეკებიდან წიგნების გამოწერა და შერჩეული მოთხრობების ჯგუფებში წაკითხვა: წაკითხულის გააზრება: ჭ. ამირეჯიბის  „ყველას ვალი“; „უმადური ტურა“. აქტივობა 4: მოსწავლეების მიერ ჩანაწერების გაკეთება: ინტერვიუ მშობლებთან _რა წიგნები აქვთ წანაკითხი მშობლებს ბავშვობაში; რის წაკითხვას ურჩევდნენ შვილებს? რომელი წიგნები აქვთ სახლში? აქტივობა 5: საპრეზენტაციო ნამუშევრების მომზადება: თითოეული ჯგუფის მიერ მოპოვებული ინფორმაციის გაზიარება და დამუშავება. აქტივობა 6 : ნაწარმოების მიხედვით ილუსტრაციების  შექმნა. აქტივობა 7: რამდენად კარგად ვიცნობთ წიგნს: კითხვები წიგნთან დაკავშირებით. აქტივობა 8 : მოსწავლეების მიერ თხზულებების შექმნა. აქტივობა 9 : წიგნთან და სწავლასთან დაკავშირებული გამონათქვამების შეგროვება. აქტივობა 10 : პროექტის პრეზენტაცია: ü  მოსწავლეების მიერ ნამუშევრების წარდგენა. ü  ბიბლიოთეკარებისგან მიწოდებული ინფორმაციების გაცნობა. ü  კითხვები წიგნთან დაკავშირებით_ რამდენად კარგად ვიცნობთ წიგნს; ü  ნაწარმოებების წარდგენა: ,,ყველას ვალი“,  ,,უმადური  ტურა“. ü  ილუსტრაციების  გამოფენა; ü  თამაში ,,იდუმალი ყუთი“. ü  მოსწავლეების მიერ შექმნილი თხზულებების წაკითხვა; ü  ჩანაწერების წაკითხვა. ü  მშობლების ინტერვიუს გაცნობა; ü  წიგნთან დაკავშირებული გამონათქვამების წარდგენა; ü  ჩვენი საყვარელი წიგნი, მწერალი, პოეტი. აქტივობა 11: თვითშეფასების სქემების შევსება. აქტივობა 12: პროექტის შეფასება მასწავლებლების, ბიბლიოთეკარების მიერ.

პროექტში მოსწავლეთა შეფასების რუბრიკა

კრიტერიუმები	კარგი	საშუალო	ცუდი
ზეპირი პრეზენტაცია	ნათლად და გასაგებად გადმოსცემს სათქმელს. ამყარებს კონტაქტს აუდიტორიასთან.	გადმოსცემს სათქმელს, ნაკლებად ამყარებს კონტაქტს აუდიტორიასთან.	ნაკლებად ახერხებს სათქმელის სათანადოდ წარმოჩენას.
პასუხობს დასმულ კითხვებზე	ყოველთვის სწორად პასუხობს შეკითხვებზე; ასაბუთებს საკუთარ მოსაზრებას; აქვს საინტერესო იდეები; ყოველთვის ახერხებს მიღებული ცოდნის დაკავშირებას კონკრეტულ საკითხებთან.	სწორად პასუხობს შეკითხვებზე, მაგრამ ვერ ასაბუთებს საკუთარ მოსაზრებას; ზოგჯერ ახერხებს მიღებული ცოდნის დაკავშირებას კონკრეტულ საკითხებთან.	ნაკლებად პასუხობს შეკითხვებზე; იშვიათად ახერხებს მიღებული ცოდნის დაკავშირებას კონკრეტულ საკითხებთან.
ჯგუფის წევრებთან თანამშრომლობა	ყოველთვის თანამშრომლობს ჯგუფებთან მუშაობის დროს; გამოხატავს პატივისცემას განსხვავებული აზრის მიმართ; მეგობრულია და კომუნიკაბელური.	თანამშრომლობს ჯგუფებთან მუშაობის დროს; გამოხატავს პატივისცემას განსხვავებული აზრის მიმართ; არის მეგობრული.	ნაკლებად თანამშრომლობს ჯგუფებთან მუშაობის დროს; იშვიათად გამოხატავს პატივისცემას განსხვავებული აზრის მიმართ.

თვითშეფასების სქემა

ვიცოდი	გავიგე	მინდა ვიცოდე

                               პროექტის რეფლექსია

    ჩვენი პროექტის სახელწოდება ავირჩიეთ იაკობ გოგებაშვილის შესწავლილი მოთხრობის ,,წიგნი ვის ეკუთვნის?“  მიხედვით.

   პროექტის მიზანი იყო წიგნის კითხვის ინტერესის გაღვივება. კითხვის მოტივაციის ამაღლება მოსწავლეებში, ანალიზის, მსჯელობისა და  უნარების შემოქმედებითი უნარების განვითარება, მხატვრული ლიტერატურის კითხვის შეყვარება.

   მოსწავლეები ინტერესით ჩაერთვნენ პროექტში: კლასი დაიყო ორ ჯგუფად და მიეცათ დავალებები: I ჯგუფი ესტუმრა სკოლის ბიბლიოთეკას და ბიბლიოთეკარისგან მიიღო ინფორმაცია; ა) ბიბლიოთეკაში არსებული წიგნების სახეობებისა და რაოდენობების შესახებ, ბ)ბიბლიოთეკის სახეობების შესახებ ; გ)  რომელიმე საბავშვო მწერლის ცხოვრების შესახებ.

     II ჯგუფმა დაათვალიერა სოფლის ბიბლიოთეკა და ბიბლიოთეკარისგან მიიღეს ინფორმაცია ა) თუ რა სახის წიგნები არის ბიბლიოთეკაში?; ბ) რა თანმიმდევრობითაა განლაგებული?;  გ) როგორ ხდება წიგნების გამოწერა?

      ჯგუფებმა მიღებული ინფორმაციები ერთმანეთს გაუზიარეს და დაამუშავეს. ამავე დროს ჯგუფებს დაევალათ ბიბლიოთეკებიდან წიგნების გამოწერა და რომელიმე საბავშვო მოთხრობის  წაკითხვა და გააზრება. ამ მიზნით მათ ქართული საბავშვო ლიტერატურის ქრესტომათიიდან აირჩიეს ჭაბუა ამირეჯიბის მოთხრობები ,,ყველას ვალი“ I ჯგუფმა და ,,უმადური ტურა“ _II  ჯგუფმა. ეს მოთხრობები მათთვის სახალისოც იყო და საინტერესოც, რადგან მათი დამუშავების პროცესში ჰქონდათ მსჯელობა ამა თუ იმ პერსონაჟის საქციელის შესახებ, გამოხატავდნენ თავიანთ დამოკიდებულებას ტექსტის მიმართ, ამასთანავე გაიგეს ბევრი ახალი სიტყვის მნიშვნელობა, შექმნეს ილუსტრაციები მოთხრობების მიხედვით.

    მოსწავლეებისთვის მეტად საინტერესო იყო წიგნის გამოწერის პროცესი, რადგან მასში უშუალოდ მიიღეს მონაწილეობა.

     ინტერესი გამოიწვია მოსწავლეებში მშობლებისათვის დასმულმა კითხვებმა, როცა მათ  მოისმინეს პასუხები, თუ რის წაკითხვას ურჩევდნენ შვილებს.  რა წიგნები აქვთ მათ წანაკითხი ბავშვობაში და რომელი წიგნები აქვთ  სახლში. ბავშვებმა გააკეთეს  ჩანაწერები და პრეზენტაციის დროს მოხდა მათი წაკითხვა.

     დიდი მონდომება გამოიჩინეს ბავშვებმა მე_8 აქტივობის დროს, როცა მათ თავიანთი ფანტაზიით შექმნეს პატარა თხზულებები და მიაწერეს თავიანთი ფსევდონიმები. ამავე დროს გაიხსენეს, თუ რას ნიშნავს სიტყვა  ,,ფსევდონიმი“, რომელ მწერლებს, პოეტებს იცნობენ ფსევდონიმებით და მოიძიეს  ინფორმაცია სხვების შესახებაც.

   მე_9 აქტივობაც საინტერესო იყო, რადგან  მოსწავლეებმა შეაგროვეს წიგნთან და სწავლასთან დაკავშირებული გამონათქვამები, ასევე მოამზადეს  კითხვარები წიგნთან დაკავშირებით: რა ნაწილებისგან შედგება ,რა განსხვავებაა ფურცელსა და გვერდს შორის და ა. შ. პრეზენტაციის დროს ამ კითხვებს ერთმანეთს უსვამდნენ და პასუხობდნენ.

    განსაკუთრებული ინტერესითა და ხალისით ჩართვნენ მოსწავლეები პრეზენტაციისას აქტივობაში ,,იდუმალი ყუთი“, როცა მოთხრობების მიხედვით შესწავლილი სიტყვები ფერად ფურცლებზე დაწერილი ჩაყრილი იყო ლამაზად შეფუთულ ყუთში და უნდა ამოეღოთ და აეხსნათ ორივე ჯგუფის წევრებს. ამ აქტივობით  ხელი შეეწყო ლექსიკური მარაგის გამდიდრებას, ზეპირმეტყველების , ლოგიკური აზროვნების უნარის განვითარებას.

    პრეზენტაციის ბოლოს მოსწავლეებმა დაასახელეს თავიანთი საყვარელი წიგნი, მწერალი, მოთხრობა, ლექსი. ამავე დროს ჯგუფები შეთანხმდნენ და დააწესეს კითხვის დღე- ყოველი კვირის  ხუთშაბათი.

   გაკეთებული პროექტის მიხედვით შემიძლია ვთქვა, რომ მოსწავლეებმა შეძლეს ჩემს მიერ დაგეგმილი მიზნების რეალიზება. ისინი დიდი ინტერესით იყვნენ ჩართულები მუშაობის პროცესში. დაგეგმილმა აქტივობებმაც ხელი შეუწყო პროექტის მიზნების მიღწევას: ვფიქრობ, რომ მოსწავლეებს აუმაღლდათ კითხვის მოტივაცია,  კითხვა მათთვის სასიამოვნო პროცესად  გადაიქცა(რაც აშკარად გამოიკვეთა პროექტის მიმდინარეობის პროცესში მონიტორინგის დროს),  კითხვის უნარის  განვითარება კი წიგნიერების საფუძველია, რაც სრულფასოვანი პიროვნების ჩამოყალიბების აუცილებელ პირობას წარმოადგენს.

       პროექტის ,,წიგნი ვის ეკუთვნის?“ განხორციელების პროცესში აქტივობების დამატება ან  მოდიფიცირება არ დამჭირვებია.

      მომავალში  პროექტზე მუშაობისას გავითვალისწინებ მოსწავლეების სურვილებს, შესაძლებლობებს და  ინტერესებს. პროექტი არის მოსწავლეთათვის სარგებლის მომტანი და მომავალშიც გაგრძელდება ამ მიმართულებით მუშაობა.